ارز بسمتي

ارز بسمتي

نحكم كأس ونصف أرز بسمتي نغسلوا مليح حوالي 4 مرات حتى نتخلص من كامل النشاء لي فيه من بعد نغمروا بـ الماء ونخليه مدة 10 د بعدها نصفيه في كسكاس ونخليه على جنب . 

في طنجرة على نار قليلة نضع م ك زبدة أو مارغرين طرية نذوبها ونزيدلها ربع ك كاس فارميسال ونبقي نقلي فيها حتى نتحصل على اللون الذهبي نزيدلها الأرز بعدما قطر مليح ونقليه شوية ونتبل بـ الملح . كركم ونخلط شوية ونمرق بـ 3 کیسان ماء سخون والنار تكون متوسطة وغير يبدا يغلي الماء نقص للنار ونغطي على الطنجرة ونخلي الروز يطيب وينشف من كامل الماء ونطفي عليه . في مقلاة نضع 3 م ك زيت . م ص زبدة طرية وغير تذوب الزبدة نضيف حبة بصل حجم متوسط ومقطعة مربعات ونقليها مليح حتى تذبال . 2 فصوص ثوم مسکرفجين ونقليهم شوية . نصف صدر دجاج مقطع مربعات ونقليه شوية ونتبل بـ فلفل أسود . زنجبيل . كركم . فلفل عكري حلو . توابل الدجاح أو الشاورما . ملح ونقلي شوية ونغطي على المقلاة وتخلي الدجاج يطيب على نار متوسطة طلق شوية ماء ويبدا ينشف نمرق بـ نصف كأس ماء ؛ يبدا يغلي الماء نضيف كأس كريمة سائلة ونخلط شوية ونخليها حوالي 2 د ونطفي عليها وعند التقديم نقدمها مع الروز بعدما برد وبـ الصحة والعافية والسرور .