حلوة معسلة

حلوة معسلة

في بول نضع 500 غ مارغرين ذائبة وباردة

. كأس سكر حبيبات

 2 بيض .

 رشة ملح .

 نصف م ك لافاني بودرة ونخلط مليح بـ الفوي حتى يتغير لون الخليط . 4 كيسان كاوكاو محمص ومرحي ما يعادل 500 غ . كيس خميرة كيميائية وزن 10 غ ونخلط مليح بـ السباتولا . 3 كيسان فرينة مغربلة ونطم بأطراف الأصابع ونزيد الفرينة بالتدريج حتى نتحصل على عجينة طرية نشكلها كريات وزن الكرية الواحدة 30 غ من بعد نحكم بـ الكرية نغطسها في بياض البيض منكه بـ لافاني بودرة ونقطرها مليح ونرمدها في الكاوكاو محمص ومرحي خشين أو كاوكاو إيفيلي أو لوز إيفيلي ونستفها في صينية فرن مفروشة بورق الطهي كي نكمل كامل حبات الحلوة 

ندخلهم للثلاجة حوالي 30 د من بعد ندخلهم يطيبوا في فرن مسخن مسبقاً على درجة حرارة 180 د ، بعد الطهي مباشرة نحط حبات الحلوة في عسيلة باردة ومخففة بـ ماء الزهر ونخليهم يتشربوا مليح ونقدمهم وبالصحة والعافية والسرور .